Kryeministri dhe kryesocialisti, Edi Rama ka ngritur në mbledhjen e Asamblesë Kombëtare të Partisë Socialiste çështjen e qëndrimit ndaj disa prej figurave të kësaj force politike.
Burime për gazetaren e TV Klan, Elja Zotka, bëjnë me dije se gjatë diskutimeve, Rama u është drejtuar anëtarëve të Asamblesë me pyetjen nëse Elisa Spiropali dhe Plarent Ndreca duhet të përjashtohen nga Partia Socialiste, dhe madje ka kërkuar që kjo të hidhet në votim.
Ndërkohë, një tjetër çështje e diskutuar gjatë mbledhjes ka qenë ajo e kryetarit të Bashkisë së Tiranës, Erion Veliaj, i cili ndodhet në paraburgim.
Rama ka kërkuar një lloj “amnistie” për të, duke argumentuar se situata e tij është e ndryshme nga ajo e personave të tjerë, për shkak se ndodhet i privuar nga liria.
“Për atë jo, sepse i ka duart e lidhura”, mësohet të jetë shprehur kryeministri, duke iu referuar Veliajt.
