Mohamed Salah zyrtarisht e ka çimentuar trashëgiminë e tij duke u bërë golashënuesi më i mirë i të gjitha kohërave për ekipin kombëtar të Egjiptit.
Egjipti fitoi lehtësisht dhe thellë 5-0 ndaj Malavit të premten mbrëma, në kuadër të kualifikimeve për Kupën e Kombeve të Afrikës.
Ish-sulmuesi i Liverpoolit, Salah i shënoi dy gola në këtë ndeshje, duke arritur këtë moment historik, për ta çuar numrin e tij të golave me kombëtaren në 70.
Me këtë arritje, Salah e tejkaloi rekordin e mëparshëm prej 69 golash të mbajtur nga Hossam Hassan, i cili ishte shkarkuar nga pozicioni i trajnerit të ekipit kombëtar vetëm një javë më parë.
Vlen të përmendet se Salah arriti rekordin historik prej 70 golash në dukshëm më pak paraqitje, në vetëm 123 ndeshje krahasuar me 176 paraqitjet e Hassan.
Në vendin e tretë të listës së golashënuesve renditet Hassan El-Shazly me 49 gola. /Telegrafi/
