Robi mbërriti në Dublin pak më parë me një fluturim të kompanisë Aer Lingus nga Nju-Jorku, por humbi fluturimin lidhës drejt Mançesterit.

Fluturimi i tij i parë u ul rreth orës 08:00 GMT, pas një vonese prej 50 minutash. Tani ai po pret fluturimin e radhës dhe mendon se, deri në momentin që do të mbërrijë në shtëpi, vonesa totale do të jetë rreth tri orë.

Ai mori vesh për ndërprerjen e fluturimeve kur ndodhej në metronë e Nju-Jorkut, rrugës për në aeroportin JFK.

“Realisht mendova se do të qëndroja edhe pesë ditë në Amerikë”, thotë Robi, duke shtuar se kishte rezervuar edhe një hotel për natën, “për çdo rast”.

Por siç tregon ai, “papritur njoftuan se po fillonte imbarkimi i pasagjerëve në avion”. Situatën e përshkruan si “surreale”.

Ai thotë se atmosfera në aeroport nuk ishte “aspak e tensionuar në asnjë moment” dhe se njerëzit madje ishin “në humor të mirë” dhe po krijonin miqësi me njëri-tjetrin.

Kur e pyes se si ndihet tani, përgjigjet: “I përgjumur.” . BBC – Syri.net