Presidentja e Komisionit Evropian, Ursula von der Leyen, njoftoi të premten se institucioni që drejton po përgatit paketën e 22-të të sanksioneve kundër Rusisë. Po përgatitet gjithashtu një plan për nevojat financiare të Ukrainës para vitit 2027. Deklarata u dha për gazetarët në fillim të Samitit të Komunitetit Politik Evropian në Dublin.
Sipas von der Leyenit, propozimi do të trajtojë mënyrën se si do të mbulohen nevojat financiare të Ukrainës në vitin 2027. “Ne do të vijmë me paketën e sanksioneve dhe propozimin për nevojat financiare përpara Këshillit të ardhshëm Evropian”, deklaroi ajo në Dublin, pa dhënë detaje të tjera mbi përmbajtjen e masave të reja apo mbi shifrat e planit financiar.
Presidentja e Komisionit Evropian përshëndeti gjithashtu bisedimet e paqes në Abu Dhabi dhe përfaqësimin e evropianëve në ato bisedime, me qëllim mbrojtjen e interesave të bllokut. “Ne do të mbështesim Ukrainën, qoftë në kohë lufte apo në kohë paqeje”, shtoi von der Leyen, duke e lidhur mbështetjen e Brukselit me të dyja skenarët.
