Shiste drogë në Qerret, arrestohet 35-vjeçari

Aktualitet | 1 minutë më parë

Një 35-vjeçar është arrestuar në flagrancë në Qerret të Durrësit, pasi dyshohet se posedonte lëndë narkotike Cannabis Sativa me qëllim shitjen.

Në pranga përfundoi shtetasi me inicialet L.K., ku gjatë kontrollit fizik, në momentin e ndalimit, policia i gjeti një sasi lënde të dyshuar narkotike Cannabis Sativa. Ndërkohë, gjatë kontrollit të ushtruar në banesën e tij, u gjet një tjetër sasi e së njëjtës lëndë narkotike.

E gjithë sasia e drogës u sekuestrua në cilësinë e provës materiale.

Materialet procedurale i janë referuar Prokurorisë për veprime të mëtejshme, për veprën penale “Prodhimi dhe shitja e narkotikëve”.

/rtsh.al/

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.