Situatë dramatike paraditen e sotme në zemër të Alpeve shqiptare. Reshjet e papërballueshme të shiut kanë shkaktuar përmbytje masive në zonën e Thethit, duke kthyer rrugët dhe luginat në lumenj të furishëm që rrezikojnë banesa, bujtina dhe infrastrukturën e zonës.
Rrymat e fuqishme të ujit kanë shpërthyer jashtë shtretërve të tyre, duke marrë me vete gurë masivë, trungje pemësh dhe duke bllokuar çdo kalim.
Akset rrugore kryesore janë bërë krejtësisht të pakalueshme si pasojë e rrëshqitjeve të dherave dhe vërshimeve, duke lënë vizitorë të izoluar në bujtinat e zonës.
