Reshjet intensive shkaktojnë përmbytje në Theth, uji vërshon drejt bizneseve turistike, zona pa energji prej 24 orësh

Aktualitet | 9 minuta më parë

Reshjet intensive të shiut dhe prurjet e mëdha të ujit kanë shkaktuar problematika në zonën turistike të Thethit.

Dalja e përrenjve nga shtrati ka bërë që uji të vërshojë drejt disa bizneseve turistike, duke depërtuar në ambientet pranë bujtinave dhe duke vështirësuar aktivitetin e tyre.

Situata paraqitet problematike edhe sa i përket furnizimit me energji elektrike. Për shkak të kushteve të krijuara, zona e Thethit vijon të jetë pa energji elektrike prej rreth 24 orësh.

Prurjet e shumta dhe reshjet e vazhdueshme kanë shtuar vështirësitë për banorët dhe operatorët turistikë.

/rtsh.al/

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.