Shqipëria festoi një fitore të merituar 2-0 ndaj Finlandës në “Air Albania”, në një mbrëmje ku spikatën disa prej protagonistëve të skuadrës së drejtuar nga Maran. Goli spektakolar i Ernest Muçit dhe finalizimi me kokë i Rey Manajt, pas asistit të Elseid Hysajt, vulosën suksesin kuqezi, ndërsa paraqitjet individuale janë pasqyruar edhe në vlerësimet e platformës së specializuar të statistikave “SofaScore”.

Sipas notave të publikuara nga kjo platformë, Kristjan Asllani ishte futbollisti më i vlerësuar i Shqipërisë, duke marrë notën 8.1. Mesfushori kuqezi spikati me paraqitjen e tij, duke lënë pas në renditje dy shokë skuadre që gjithashtu zhvilluan një ndeshje shumë pozitive.

Në vendin e dytë dhe të tretë, me të njëjtën notë 7.9, renditen Elseid Hysaj dhe Ernest Muçi. I pari dha kontribut të rëndësishëm në lojën e skuadrës, duke u shpërblyer edhe me asistin për golin e Manajt, ndërsa Muçi rrëmbeu vëmendjen me realizimin spektakolar që ngriti peshë stadiumin.

Pas tyre vjen Ardian Ismajli me notën 7.5, ndërsa Etrit Berisha vlerësohet me 7.4, pas një paraqitjeje të sigurt dhe ndërhyrjeve vendimtare. Stavro Pilio mori notën 7.3, kurse Mario Mitaj dhe Rey Manaj u vlerësuan me 7.2.

Berat Gjimshiti dhe Qazim Laçi plotësojnë grupin e lojtarëve me notën 7.1. Ylber Ramadani u vlerësua me 6.9, Luis Hasa me 6.8, Julian Shehu me 6.6, Arber Hoxha me 6.4 dhe Mirlind Daku me 6.2.

Më poshtë, renditja e plotë e futbollistëve të Shqipërisë sipas “SofaScore” pas fitores 2-0 ndaj Finlandës:

1. Kristjan Asllani – 8.1
2. Elseid Hysaj – 7.9
3. Ernest Muçi – 7.9
4. Ardian Ismajli – 7.5
5. Etrit Berisha – 7.4
6. Stavros Pilios – 7.3
7. Mario Mitaj – 7.2
8. Rey Manaj – 7.2
9. Berat Gjimshiti – 7.1
10. Qazim Laçi – 7.1
11. Ylber Ramadani – 6.9
12. Luis Hasa – 6.8
13. Julian Shehu – 6.6
14. Arber Hoxha – 6.4
15. Mirlind Daku – 6.2.