Kryeministri Edi Rama ka deklaruar nga Dublini se Samiti i ardhshëm i NATO-s nuk do të zhvillohet vitin e ardhshëm, pavarësisht se Shqipëria është caktuar si vendi pritës. Gjatë pjesëmarrjes në takimin e Komunitetit Politik Europian, Rama tha se ende nuk ka një dakordësi për datën e samitit, por nëse ai mbahet në vitin 2028, do të zhvillohet në Tiranë.
“Shqipëria është caktuar si vendi pritës i samitit të ardhshëm të NATO-s. Ende nuk ka një qëndrim të përbashkët se kur do të zhvillohet samiti. Me siguri jo në vitin 2027 dhe, nëse do të ketë një samit në vitin 2028, ai do të mbahet në Tiranë, kjo është e padiskutueshme. Ato që po diskutohen për këtë çështje janë marrëzira”, deklaroi Rama. a.b
