Autoritetet kanë ndaluar Arben Vojën, drejtorin e Spitalit Rajonal të Fierit. Ai po merret në pyetje nga dy prokurorë.
Voja ka qenë më parë nën hetim nga Prokuroria e Fierit për dyshime për shpërdorim detyre gjatë drejtimit të Agjencisë Rajonale të Mjedisit Fier-Vlorë-Gjirokastër.
Të lidhura
None found
Në dhjetor të vitit 2025, Prokuroria e Fierit bëri të ditur se kishte mbyllur hetimet dhe kishte dërguar për gjykim Vojën dhe gjashtë punonjës të tjerë, me akuzën e shpërdorimit të detyrës në bashkëpunim. Çështja kishte të bënte me shkelje të dyshuara në procedurat për dhënien e lejeve mjedisore dhe me mosmbledhjen e tarifave përkatëse.
Ndërkohë, në vitin 2023, Voja ishte kallëzuar në SPAK për dyshime për shpërdorim detyre dhe falsifikim dokumentesh, kur ishte drejtor i Kadastrës së Fierit. Ende nuk dihet nëse ndalimi i tij ka lidhje me hetimet e mëparshme apo me një çështje të re.
