Liderët e VLEN-it u takuan mbrëmë me kryeministrin Mickoski, në kuadër të takimeve të rregullta që zhvillohen çdo dy javë mes drejtuesve të koalicionit dhe partnerit qeveritar.
Takimi synonte të rikonfirmonte qëndrueshmërinë e shumicës qeverisëse. Në vëmendje ishin edhe ndryshimet e paralajmëruara të kuadrove në eshalonin e dytë dhe të tretë.
Të lidhura
None found
Blerim Sejdiu nga VLEN tha se do të mbahen takime të tjera, gjatë të cilave do të trajtohen edhe çështje të tjera aktuale.
Sipas Sejdiut, rastet dhe tensionet që po ndodhin në vend janë pasojë e vendimeve të gabuara të qeverive të mëparshme. Ai shtoi se deputetët do të jenë të pranishëm për të mbrojtur interesat e qytetarëve dhe të shqiptarëve.
Mickoski e cilësoi sot takimin si pjesë të rutinës së punës. Ai konfirmoi se ndryshimet e paralajmëruara kadrovike në eshalonin e dytë dhe të tretë të drejtimit të institucioneve shtetërore do të jenë në rendin e ditës.
Kryeministri përjashtoi mundësinë e mbajtjes së zgjedhjeve të parakohshme parlamentare.
