Presidenti i Ukrainës, Volodymyr Zelenskyy, ka deklaruar se ushtria ukrainase po përballet sërish me ndërprerje të konsiderueshme në funksionimin e sistemit satelitor Starshield në territorin e Ukrainës, raporton The Guardian.
Sipas Zelenskyyt, problemi po vazhdon prej disa ditësh dhe po ndikon në operacionet ushtarake përgjatë gjithë vijës së frontit, si dhe në territoret e pushtuara përkohësisht nga Rusia.
Ai ka bërë të ditur se në sistem po zbatohen kufizime të vazhdueshme të shpejtësisë, duke e kufizuar atë në 161 kilometra në orë.
Zelenskyy ka theksuar se ushtria ukrainase i ka hetuar rrethanat dhe ka konstatuar se nuk bëhet fjalë për gabime të rastësishme, por për kufizime sistematike.
Sipas tij, këto kufizime po e vështirësojnë interceptimin e dronëve rusë me motorë reaktivë, pasi sistemet ukrainase të mbrojtjes nuk arrijnë të zhvillojnë shpejtësinë e nevojshme për t’i neutralizuar në kohë.
“Fatkeqësisht, kjo po i ndihmon rusët të vrasin më shumë ukrainas dhe të kryejnë sulme më të sakta ndaj Ukrainës”, ka deklaruar Zelenskyy.
Ai ka bërë të ditur se pala ukrainase po përpiqet të sqarojë të gjitha rrethanat e këtij problemi në bashkëpunim me palën amerikane.