Deputetja e Partisë Demokratike të Kosovës, Blerta Deliu-Kodra, ka bërë të ditur se PDK-ja ka arritur marrëveshje me Lëvizjen Vetëvendosje për kalimin e Ligjit për Gjykatën Speciale në Kuvend, por pa ndërhyrje në përmbajtjen e tij.

Gjatë shqyrtimit të këtij ligji në Komisionin për Legjislacion, të enjten, Deliu-Kodra tha se mes dy subjekteve politike ka pasur negociata për mënyrën se si do të procedohet me ligjin.

Ajo bëri të ditur se PDK-ja ka kërkuar mundësinë e amendamentimit të tij në këtë fazë, por për këtë nuk ka pasur pajtim me shumicën parlamentare, e cila ka interpretuar se Rregullorja e Kuvendit nuk e lejon një gjë të tillë.

Sipas Deliu-Kodrës, marrëveshja është që ligji të votohet me të njëjtën përmbajtje si në miratimin e parë.

Ligji për Gjykatën Speciale u miratua në lexim të parë më 5 tetor, ndërsa në lexim të dytë mbrëmjen e 6 tetorit, pas një seance të mbajtur në Kuvend në kohën kur jashtë ndërtesës mijëra qytetarë protestonin në mbështetje të tij.

Nismëtare e ligjit ishte PDK-ja, ndërsa në miratimin e tij kontribuoi edhe Aleanca për Ardhmërinë e Kosovës dhe Lëvizja Vetëvendosje.

Më 22 tetor, presidentja Justina Shiroka-Pula e ktheu ligjin në Kuvend për rishqyrtim, pas kërkesës së PDK-së, duke e rikthyer atë në procedurë parlamentare.

IN Promo Marketing

Barni – ëmbëlsia e fëmijërisë

Prishtinë–Basel, dy fluturime në ditë me PrishtinaTickets – rezervoni tani!

Zgjerimi i tregut ndërkombëtar, Comodita nis dyshekë drejt Qipros (VIDEO)