I riu që qëndroi pranë Merab Dvalishvilit në hollin e hotelit në Abu Dhabi ndërsa sulmohej nga Usman Nurmagomedov dhe miqtë e tij është mundësi 21-vjeçar gjeorgjian Saba Lazishvili, vëllai më i vogël i ish-luftëtarit të UFC-së, Zviad Lazishvili.
Identiteti i tij u njoftua një ditë pas incidentit nga gazetari gjeorgjian Giorgi Kokiashvili në profilin e tij në platformën X.
“Ky djalë është Saba Lazishvili, vëllai më i vogël 21-vjeçar i (ish-luftëtarit të UFC-së) Zviad Lazishvili, një mundës që nuk ka goditur kurrë me grusht në jetën e tij”, shkroi Kokiashvili.
That kid is Saba Lazishvili, little 21 years old brother of Zviad Lazishvili (former UFC) who is a wrestler and never threw a punch in his life. Literally beat the shit ouf of everyone alone and only way to punch him was to get hold by someone. Great success. 👍
— Giorgi Kokiashvili 🇬🇪 (@iHeartGeorgius1) November 11, 2026
Në një postim në rrjetet sociale, Dvalishvili deklaroi se po jepte një intervistë për RAF në hollin e hotelit kur Usman dhe miqtë e tij iu afruan nga pas dhe filluan ta godisnin atë dhe mikun e tij të ri. Ai shtoi se ai dhe Saba erdhën në Abu Dhabi vetëm, ndërsa grupi i Nurmagomedov kishte rreth 20 persona.
Në një video që qarkullon në internet, Lazishvili përfshihet në një përleshje me një grup sulmuesish numerikisht më të madh. Sipas faqes së internetit Bloody Elbow, ai rrëzoi dy nga grupi i Nurmagomedov. Ai doli nga incidenti me një çarje nën syrin e djathtë dhe mavijosje në ballë.
Zviad Lazishvili ka një rekord profesional në MMA prej 13 fitoresh dhe një humbjeje. Ai ishte kampion i LFA në kategorinë bantamweight dhe debutoi në UFC në tetor 2021, duke humbur ndaj Jonathan Martinez me vendim unanim.
Pas asaj ndeshjeje, ai rezultoi pozitiv për substancën e ndaluar klomifen. Ai u pezullua për dhjetë muaj nga USADA dhe nëntë muaj nga Komisioni Atletik Shtetëror i Nevadës, pas të cilave u lirua nga UFC. /Telegrafi/
Materialet e publikuara nuk mund të kopjohen ose përdoren pa lejen paraprake të redaksisë së Insajderit.
© 2016-2026 Gazeta Online Insajderi - Të gjitha të drejtat e rezervuara.
