Merz: Rusia po pranon se nuk ka bisedime për Ukrainën pa Evropën

Ka një gatishmëri në rritje nga pala ruse për të pranuar se bisedimet për Ukrainën nuk mund të zhvillohen pa pjesëmarrjen e Evropës , tha të enjten kancelari gjerman Friedrich Merz.

“Ky është, para së gjithash, një lajm i mirë. Mbetet për t’u parë nëse ky qëndrim do të vazhdojë. Kjo do të varet kryesisht nga bisedimet në ditët në vijim”, tha Merz në margjinat e takimit të Komunitetit Politik Evropian në Dublin.

Më herët gjatë ditës së sotme, zëvendësministri i Jashtëm rus Sergei Ryabkov tha se është ende shumë herët për të pohuar se besimi midis Rusisë dhe Ukrainës është rivendosur, pas bisedimeve të paqes të mbajtura në Abu Dhabi .

Deklaratat e zyrtarit rus erdhën ndërsa të dërguarit e SHBA-së Jared Kushner dhe Steve Witkoff mbërritën në Moskë për bisedime me presidentin rus Vladimir Putin .

Vizita është pjesë e përpjekjeve të reja diplomatike të Uashingtonit për të arritur një marrëveshje paqeje në Ukrainë.