Byrek me mish pule dhe oriz, tradita çame nga shefja e kuzhinës Albana Mançja
Çdo ditë, në emisionin “Mes’dritë” në Vizion Plus, nën moderimin e Alma Çelajt, shefja e kuzhinës Albana Mancia sjell receta të shijshme, ide kreative dhe sugjerime për gatime që mund t’i përgatisni lehtësisht në shtëpi. Ndiqni recetat e saj dhe zbuloni çdo ditë shije të reja, hap pas hapi!
Përbërësit:
2 gota miell OLA
2 qepë të grira
2 gota oriz GOLD
2 vezë
1 pulë fshati
Lëng pule
Vaj ulliri
Kripë, piper, borzilok
Niseshte për hapjen e petëve
Përgatitja:
Fillimisht zëmë brumin për 2-3 petë. Miellit i shtojmë kripë, vaj ulliri dhe ujë sipas nevojës, derisa të përftojmë një brumë të butë dhe elastik. E lëmë të pushojë.
Ndërkohë, kaurdisim lehtë pjeset e pules pasi e kemi ndare ne racione dhe e kemi marinuar më parë me kripë dhe piper.
Hapim petët me pak niseshte, duke u kujdesur që të jenë të plota.
Shtrojmë petën e parë në tavën e lyer me vaj ulliri dhe e spërkasim me pak vaj. Vendosim sipër petën e dytë.
Shpëlajmë orizin me ujë të nxehtë, e kullojmë mirë dhe e shpërndajmë mbi petë. Shtojmë qepët e grira, pak vaj ulliri, kripë, piper dhe borzilok.
Mbi shtresën e orizit vendosim copat e pulës.
E fusim byrekun në furrë të parangrohur në 200°C për 5 minuta.
Më pas e nxjerrim nga furra dhe i shtojmë sipër lëngun e pulës, së bashku me vezët e rrahura me pak lëng.
E rikthejmë byrekun në furrë dhe vazhdojmë pjekjen për rreth 20 minuta, derisa orizi të jetë gatuar dhe sipërfaqja të marrë një ngjyrë të bukur të artë.
