Një zyrtar komunal i Prishtinës është arrestuar nën dyshimin për falsifikim të dokumenteve dhe keqpërdorim të pozitës apo autoritetit zyrtar.
Sipas raportit 24-orësh të Policisë së Kosovës, dyshohet se zyrtari kishte vërtetuar dokumente të dyshuara si të falsifikuara, duke i mundësuar një personi tjetër regjistrimin e tri pronave komunale në emrin e tij.
Rasti lidhet me periudhën 2022-2023, ndërsa arrestimi është kryer më 11 nëntor 2026 nga Njësia për Hetimin e Falsifikimit të Dokumenteve, me autorizim të prokurorit.
Pas intervistimit, me vendim të prokurorit, i dyshuari është dërguar në mbajtje.