Athinë, qindra qytetarë në protestë kundër rritjes së qirave dhe krizës së strehimit

Qindra njerëz dolën të mërkurën në rrugët e kryeqytetit grek, Athinë, për të protestuar kundër rritjes së qirave dhe krizës në rritje të strehimit.

Protestuesit u mblodhën në sheshin Klafthmonos, në qendër të qytetit, duke kërkuar banesa më të përballueshme dhe mbrojtje më të mirë për qiramarrësit.

Sindikatat, grupet studentore dhe organizatat e shoqërisë civile iu bashkuan protestës në kryeqytetin grek, duke i bërë thirrje qeverisë të marrë masa efektive për të përballuar rritjen e vrullshme të kostove të strehimit.

Më vonë, protestuesit marshuan drejt parlamentit, duke këmbëngulur për sigurimin e qasjes në banesa me çmime të përballueshme për të gjithë.

Demonstrata, e organizuar nga nisma „Strehim për të Gjithë“, përfundoi në mënyrë paqësore, pa pasur raportime për incidente./AA