Zëvendëspresidenti i Shteteve të Bashkuara të Amerikës, J.D. Vance, po shqyrton mundësinë e zhvillimit të bisedimeve të drejtpërdrejta ballë për ballë me Mohsen Rezaei-n, sekretarin e Këshillit Suprem të Sigurisë Kombëtare të Iranit, duke e pozicionuar veten si figurën kryesore negociuese në marrëdhëniet me Teheranin.
Lajmi është bërë me dije nga gazeta e njohur amerikane Wall Street Journal, e cila citon burime nga zyrtarë amerikanë, diplomatë të Lindjes së Mesme dhe persona të informuar nga afër mbi procesin e negociatave.
“Kjo raportohet nga gazeta Wall Street Journal, bazuar në zyrtarë amerikanë dhe të Lindjes së Mesme, si dhe njerëz të informuar mbi negociatat,” theksohet në zbulimet e medias ndërkombëtare.
Iniciativa diplomatike vjen në një moment kur trysnia e brendshme politike po rritet brenda radhëve të së djathtës amerikane. Synimi kryesor i këtij hapi është mbyllja e konfliktit ushtarak që shihet me shqetësim nga baza elektorale.
“Qëllimi është t’i jepet fund një lufte që konsiderohet barrë për Partinë Republikane, brenda së cilës më shumë se 50% po bëjnë thirrje për t’i dhënë fund armiqësive,” bëhet e ditur mbi prapaskenat e këtij vendimi.
Lëvizja diplomatike e zv.presidentit Vance gëzon edhe mbështetjen e plotë të kreut të Shtëpisë së Bardhë, i cili ka dhënë dritën e gjelbër për vazhdimin e kontakteve me Teheranin.
“Presidenti Donald Trump u ka thënë ndihmësve të ngushtë ditët e fundit se mbështet rifillimin e bisedimeve nga Vance,” konfirmojnë më tej burimet pranë administratës amerikane.
