Ministria e Drejtësisë organizoi një mbledhje të Grupit Punues ndërinstitucional, ku morën pjesë përfaqësues të institucioneve të Republikës së Kosovës, përfshirë Këshillin Gjyqësor të Kosovës, Ministrinë e Punëve të Jashtme dhe Diasporës dhe Zyrën e Kryeministrit. Takimi u zhvillua në kuadër të përgatitjeve për aderimin e Kosovës në Konventën Ndër-Amerikane për Vuajtjen e Dënimeve Penale Jashtë Vendit.
Pjesëmarrësit shqyrtuan çështjet ligjore dhe institucionale që lidhen me këtë proces.
Të lidhura
None found
Konventa parashikon një bazë të rëndësishme juridike për bashkëpunimin ndërkombëtar lidhur me transferimin e personave të dënuar. Sipas kushteve dhe procedurave të saj, ata mund të kryejnë pjesën e mbetur të dënimit në shtetin e tyre. Kështu, një shtetas i Kosovës që po vuan dënim të shqiptuar nga një shtet palë në Konventë mund të transferohet në Republikën e Kosovës për të përfunduar aty pjesën e mbetur të dënimit.
Ministria e Drejtësisë e cilësoi këtë nismë si hap të rëndësishëm për zgjerimin e bashkëpunimit juridik ndërkombëtar të Kosovës dhe forcimin e marrëdhënieve me shtete të ndryshme, përfshirë SHBA-të dhe Ukrainën, në fushën e drejtësisë penale.
