Policia ka vendosur 37 masa administrative ndaj personave që kanë bllokuar rrugën dhe kanë penguar qarkullimin e automjeteve gjatë tubimeve të zhvilluara në Tiranë më 9 dhe 10 nëntor.
Sipas njoftimit të Policisë, kundërvajtjet janë konstatuar në bulevardin “Dëshmorët e Kombit”, ku protestuesit kanë bllokuar qarkullimin e mjeteve, pavarësisht thirrjeve të përsëritura të efektivëve të Policisë për lirimin e rrugës, përmes megafonit.
Në zbatim të Aktit Normativ nr. 5, datë 28.10.2026, konkretisht pikës 2 të nenit 24/1, për secilin prej 37 shtetasve është plotësuar procesverbali përkatës dhe është vendosur gjobë në vlerën 5 mijë lekë.
Në total, vlera e gjobave të vendosura arrin në 185 mijë lekë.
