Thibaut Courtois ka dalë në mbrojtje të Xabi Alonsos, duke e cilësuar të padrejtë shkarkimin e tij nga Real Madridi, pas vetëm 34 ndeshjesh zyrtare në stol. Në një intervistë për “Marca”, portieri belg vlerësoi aftësitë e trajnerit spanjoll, duke kujtuar edhe sukseset e tij me Bayer Leverkusen.

“Ka cilësi të mëdha si trajner, – u shpreh Courtois, duke shtuar: – Trajneri është shpesh i pari që paguan çmimin kur rezultatet janë negative, edhe pse nuk është gjithmonë i vetmi përgjegjës”.

Portieri tregoi edhe një episod me José Mourinhon. Gjatë Botërorit, portugezi i kishte dërguar një mesazh, por Courtois e kishte injoruar për rreth dy javë, pasi nuk e kishte të regjistruar numrin e tij dhe nuk e kishte kuptuar se kush ishte dërguesi.

“Më duket se është bërë më i qetë dhe më i pjekur, megjithëse ka ruajtur personalitetin që e ka karakterizuar gjithmonë”, – tha ai për Mourinhon. Në fund, Courtois konfirmoi gatishmërinë për t’u rikthyer te Belgjika, nëse e thërret trajneri i ri, por fillimisht do të duhet të rifitojë vendin e titullarit.