Elseid Hysaj ende nuk ka gjetur një klub të ri dhe pritet që vendimin për të ardhmen ta marrë pas ndeshjeve të Shqipërisë në Ligën e Kombeve.
Mbrojtësi është përfshirë në grumbullimin e Kombëtares për takimet e këtij muaji. Ndërkohë, ai është stërvitur rregullisht me ekipin e të rinjve të Empolit.
Të lidhura
None found
Që prej qershorit, Hysaj është futbollist i lirë. Së fundmi, ai ka refuzuar mundësinë për të luajtur në Rusi ose në Emiratet e Bashkuara Arabe.
Pas përvojave me Lazion, Napolin dhe Empolin, synimi i tij raportohet të jetë qëndrimi në Itali.
Leçe dhe Bologna në Serie A, si edhe Ascoli në Serie B, janë përmendur si opsione për mbrojtësin. Ende nuk dihet se ku do ta vazhdojë karrierën.
