Dy punonjës të një furre buke në fshatin Qënas të Fierit janë asfiksuar mëngjesin e sotëm, pas një rrjedhjeje gazi nga bombula që përdorej në ambientet e biznesit.
Ngjarja është regjistruar rreth orës 06:00. Dyshohet se gazi ka rrjedhur nga rubineti i bombulës, duke shkaktuar asfiksimin e dy punonjësve, të identifikuar me inicialet A. K., 62 vjeç, dhe I. H., 55 vjeç.
Të dy janë transportuar në spital, ku po marrin kujdesin e nevojshëm mjekësor.
Ndërkohë, grupi hetimor po punon për të sqaruar dhe dokumentuar plotësisht rrethanat dhe shkaqet e ngjarjes.
