Njëmbëdhjetë persona humbën jetën në një aksident trafiku që përfshinte dhjetëra automjete në të dyja anët e një autostrade me mjegull në Bullgarinë lindore të martën, tha kryeministri Rumen Radev.
Policia, zjarrfikësit dhe ekipet e ambulancës nxituan në vendngjarje në rrugën A1 që lidh kryeqytetin Sofje me qytetin lindor të Burgasit.
Pesëdhjetë persona të plagosur u transportuan në spital, sipas ministrisë së brendshme.
Radev e përshkroi aksidentin si një “tragjedi” në një deklaratë gjatë një vizite në Bullgari nga Presidentja e Komisionit Evropian Ursula von der Leyen. Ai tha se kishte dërguar avionë për të evakuuar të plagosurit dhe planifikonte të vizitonte vendin e ngjarjes, shkruan Reuters.
Von der Leyen tha se do ta shkurtonte vizitën e saj. “Dua të shpreh ngushëllimet e mia më të thella dhe t’u shpreh respektin ekipeve të shpëtimit”, tha von der Leyen.
Duke informuar gazetarët në vendin e aksidentit, Sekretari i Përgjithshëm i Ministrisë së Brendshme, Lyubomir Nikolov, tha se mjegulla ishte shkaku i mundshëm i aksidentit, i cili filloi me një përplasje midis një autobusi dhe një kamioni në anë të autostradës që shkonte drejt Burgasit.
