Kamëz, lëvizte i armatosur pranë liqenit të Çekrezës, arrestohet 42-vjeçari

Aktualitet | 6 minuta më parë

Një 42-vjeçar është arrestuar në Kamëz, pasi lëvizte i armatosur në afërsi të liqenit të Çekrezës dhe mbante me vete edhe lëndë të dyshuar narkotike të llojit kokainë.

Efektivët kishin marrë informacion se në zonën pranë liqenit të Çekrezës qarkullonte një person i armatosur, ku u bë dhe arrestimi në flagrancë i shtetasit me inicialet Z. B., 42 vjeç, i dënuar më parë për armëmbajtje pa leje.

Gjatë kontrollit fizik, atij iu gjetën një armë zjarri, pistoletë me mulli, municion përkatës, si dhe një sasi lënde e dyshuar narkotike kokainë.

Në cilësinë e provës materiale, policia sekuestroi armën e zjarrit, municionin dhe lëndën narkotike.

Materialet procedurale i janë referuar Prokurorisë për veprime të mëtejshme hetimore.

/rtsh.al/

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.