Ka histori që nuk mund t’i lexosh pa të të dridhur zemra. Historia e Erind Goçllarit është një prej tyre.
Vetëm 17 vjeç, pa nënën që e humbi nga kanceri, mes varfërisë, mureve të mbuluara nga myku dhe kushteve të rënda të jetesës. Në një moshë kur duhet të ëndërronte për të ardhmen, Erindi përpiqet të përballojë një realitet që do të rëndonte edhe mbi supet e një të rrituri.
Sikur të mos mjaftonin të gjitha këto vështirësi, pas pjesëmarrjes në protestë, 17-vjeçari u përball edhe me një gjobë.
Por sot, mes gjithë këtyre vështirësive, për Erindin ka ardhur një lajm që sjell shpresë.
Golden Eagle ka vendosur t’i vijë në ndihmë Erindit dhe familjes së tij! ❤️
Edhe një herë, Golden Eagle dëshmon se solidariteti nuk matet me fjalë, por me vepra. Një gjest që nuk është thjesht ndihmë financiare, por një dorë e zgjatur në një nga momentet më të vështira të jetës së këtij djali.
Sepse Erindi nuk kërkon luks. Kërkon vetëm një shtëpi të ngrohtë, një jetë dinjitoze dhe mundësinë për të ëndërruar si çdo bashkëmoshatar i tij.
Asnjë ndihmë nuk mund t’ia kthejë nënën, as t’ia fshijë vitet e vështira, por mund t’i japë diçka që Erindit i duhet sot më shumë se kurrë: shpresën se nuk është vetëm.
Urojmë që ky gjest të jetë vetëm fillimi i një jete më të mirë për Erindin dhe familjen e tij. ❤
