Michael Carrick, Álvaro Arbeloa, Oliver Glasner… janë disa prej trajnerëve të Premier League që iu janë tronditur shumë pozitat në pankinat respektive në javët e fundit. Por deri në këtë moment asnjë prej skuadrave të tyre nuk kanë marrë vendimin për të bërë ndryshime në pankinë.
E megjithatë i pari që mund ta pësojë është trajneri i Crystal Palace, Pierre Sage. Ky i fundit rrezikon vërtet shkarkimin, 5 muaj nga marrja e detyrës duke qenë se skuadra londineze është në vendin e fundit të klasifikimit me 7 pikë si pasojë e humbjes së fundit të pësuar ndaj Liverpool në Selhurst Park.
Crystal Palace ka fituar vetëm 2 ndeshje në 10 javë kampionat dhe ka humbur 4 ndeshjet e fundit me Brighton, Newcastle, Tottenham dhe Liverpool. Një seri rezultatesh katastrofike që shoqërohet edhe me bilancin e 12 golave të pësuar dhe vetëm 1 të shënuar. Për më tepër, Crystal Palace është skuadra me mbrojtjen më të dobët në kampionatin anglez me 24 gola të pësuar. Ndërsa në Europa League, Crystal Palace është në vendin e 21 me 5 pikë, kompeticion ku ka fituar vetëm ndaj Lech Poznan në 4 ndeshje të zhvilluara
Drejtuesit e klubit londinez ka zhvilluar bisedime të brendshme me synimin për të vendosur fatin e Sage dhe atë që mund ta zëvendësojë në pankinë. Në këtë pikë, sipas BBC Thomas Frank, ish trajneri i Tottenham dhe Brentford profilizohet si një kandidat solid, ndërkohë që edhe Sean Dyche gëzon mbështetje brenda klubit londinez dhe që të dy këta trajnerë aktualisht janë të lirë.
Pierre Sage e mori drejtimin e Crystal Palace në vend të Oliver Glasner, me këtë të fundit që është në stolin e Nottingham Forest. Ai erdhi te klubi londinez pas një sezoni historik të zhvilluar me Lens në 2025/26 ku u rendit në vendin e dytë në Ligue 1 dhe pas fitores së Kupës së Francës për herë të parë në historinë e klubit francez.
Top Channel
