Spanja përgatitet për ndeshjen me Çekinë pa yllin e Barcelonës

Sulmuesi i Barcelonës shfaqi shqetësime në gju pas një goditje të marrë gjatë ndeshjes me Atletico Madrid dhe pas testeve mjekësore të kryera u vendos që ai të qëndrojë në Barcelonë për të vijuar me procesin e rikuperimit. Yamal ishte i vetmi nga futbollistët e barcelonës të grumbulluar nga Luis De la Fuente që u kthye në Katalonjë, pjesa tjetër qëndruan në Madrid.

Pavarësisht këtij problemi, te Barcelona duket se janë të qetë në lidhje me gjendjen e futbollistit pasi bëhet fjalë për një vendim konsensual dhe i miratuar si nga klubi ashtu edhe nga Federata Spanjolle, ndërkohë që mjekët janë në kontakt të vazhdueshëm mes tyre. Përsa i përket Oyarzabal, sulmuesi i Real Sociedad është duke marrë veten nga një gjendje gripale dhe do të vijojë kurën në San Sebastian. Për më tepër futbollisti pritet të bëhet baba dhe kjo e vë në dyshim praninë e tij edhe për ndeshjen me Anglinë.

Duke u kthyer te Yamal, 19 vjeçari pritet të bashkohet me La Roja në ditët e ardhshme për të qenë i disponueshëm  pikërisht për ndeshjen me kombëtaren angleze në sfidën që do të luhet në Metropolitano të dielën e 15 nëntor. Pritet që ai të jetë bashkë me skuadrën të premten e ardhshme, por gjithçka do të varet nga evoluimi i gjendjes së tij fizike.

Top Channel