Oerd Bylykbashi, bashkëkryetar i Komisionit të Reformës Zgjedhore, dhe Ivi Kaso janë larguar nga mbledhja, duke ndërprerë pjesëmarrjen e opozitës në punimet e tij.
Para se të largohej, Bylykbashi tha se dialogu me mazhorancën nuk mund të zhvillohet për sa kohë shteti vijon të ndikojë në procesin zgjedhor.
Të lidhura
None found
Teksa Bylykbashi dhe Kaso u ngritën në këmbë, bashkëkryetari socialist Damian Gjiknuri i kërkoi Bylykbashit ta dëgjonte dhe të mos i trembej mendimit të tij, pasi mund të rezultonte se ishin dakord.
Gjiknuri vuri në dukje se opozita kishte deklaruar se propozimet i kishte gati, por nuk i kishte sjellë dhe po priste ditën e fundit për t’i paraqitur. Ai e cilësoi këtë një strategji politike dhe, pas bojkotimit të seancës nga opozita, mbylli punimet e Komisionit.
