Bullgur me fileto pule, e shpejtë dhe plot shije nga shefja e kuzhinës Albana Mançja

Përbërësit:

300 gr bullgur

300 gr fileto pule DIMAL

½ lugë gjelle gjalpë

250 gr spinaq

1 qepë e bardhë

2 karrota

2 thelpinj hudhër

¼ lugë çaji piper i kuq

¼ lugë çaji piper djegës

Pak nenexhik

2 lugë gjelle vaj ulliri

Pak piper i zi

Kripë sipas shijes

Ujë sipas nevojës

Përgatitja:

Presim fileton e pulës në kubikë dhe e kaurdisim me gjalpin dhe pak kripë, derisa të marrë një ngjyrë të bukur. Shtojmë pak ujë dhe e lëmë të ziejë për 5–6 minuta me kapak.

Kullojmë lëngun e pulës dhe e përdorim për të zier bollgurin. Shtojmë ujë në raportin 1 masë bollgur me 2 masa lëng.

Shpëlajmë bollgurin 2–3 herë me ujë të ftohtë, e hedhim në tenxhere dhe e ziejmë për rreth 15 minuta, derisa të përthithë lëngun.

Ndërkohë, grijmë imët qepën dhe hudhrën. I kaurdisim në një tigan me pak vaj ulliri. Shtojmë piperin e kuq dhe atë djegës, i përziejmë dhe hedhim 2–3 lugë ujë, derisa të krijohet një salcë aromatike.

Përzierjen e hedhim te bollguri. Shtojmë karotat e prera në kubikë të vegjël, spinaqin e grirë, nenexhikun, një filxhan ujë të nxehtë, fileton e pulës, piperin e zi, kripën dhe vajin e ullirit.

E lëmë të ziejë edhe 15 minuta në zjarr të ulët, derisa të bashkohen shijet dhe bollguri të zbutet plotësisht.

E largojmë nga zjarri, e mbulojmë me një pecetë të pastër dhe e lëmë të pushojë disa minuta, që të avullojë lagështia .