Gjashtë të vrarë nga të shtënat me armë, Polonia shpall 2 ditë zie kombëtare

Presidenti i Polonisë, Karol Nawrocki, ka shpallur dy ditë zie kombëtare pas sulmit me armë zjarri në qytetin e Krakovit, ku mbetën të vrarë gjashtë persona dhe u plagosën shumë të tjerë.

Vendimi u bë publik nga zëdhënësi i presidentit, i cili njoftoi se Nawrocki kishte nënshkruar dekretin për shpalljen e zisë kombëtare në të gjithë territorin e Polonisë më 8 dhe 9 nëntor.

Sipas raportimeve, autori i sulmit, i cili dyshohet se ishte i frymëzuar nga ideologjia e ekstremit të djathtë, hapi zjarr ndaj qytetarëve në qendrën e Krakovit, qyteti i dytë më i madh në vend. Mes viktimave raportohet edhe një shtetas britanik.

Policia bëri të ditur se personi i armatosur mbërriti me makinë në Sheshin Kryesor të Tregut të shtunën pasdite dhe qëlloi në mënyrë të rastësishme drejt njerëzve që ndodheshin në zonë.

Periudha e zisë kombëtare nisi në mesnatë, ndërsa flamujt polakë në institucionet publike u ulën në gjysmështizë.

Në shenjë respekti për viktimat, institucionet dhe mediat në vend kanë ndryshuar pamjen e tyre. Faqet e internetit kanë vendosur shirita të zinj në logot e tyre, ndërsa televizionet dhe radiot kanë përshtatur programacionin.

Gjithashtu, disa aktivitete dhe ngjarje argëtuese janë anuluar në shenjë zie për viktimat e sulmi