Gazetari Elton Tozaj ka rrëfyer detaje të rënda nga sulmi që iu bë një ditë më parë. Me kokën tërësisht të fashuar për shkak të goditjeve edhe me leva hekuri, Tozaj, në një lidhje direkte për Kosova Live në T7, shprehet se autorët e sulmit kanë qenë 4 të cilët e kanë pritur në një furgon derisa ka dalë nga shtëpia.
“Ditën e djeshme unë kam pasur një takim me një producent dhe një gazetare, ka qenë një bashkëpunim të tre episodeve të rrëfimit që do bëja.
Kam dalë nga shtëpia. Në momentin që kam dalë, kanë zbritur katër njerëz, ose edhe më shumë.
Kam ndjerë goditje këtu pas në kokë, me levë, kam rënë pa ndjenja..
Kanë tentuar për të më tërhequr zvarrë për të më futur në furgon, por di që ka pasur banorë që e kanë parë, kanë uluritur dhe falë atyre kam shpëtuar pa më hypur në furgon’’, ka thënë ai mes tjerash.
