Këngëtari dhe moderatori Ardit Gjebrea ka dalë nga ambientet e SPAK pas më shumë se dy orësh marrje në pyetje.

Në prononcimin për mediat, Gjebrea bëri të ditur se ishte thirrur në cilësinë e dëshmitarit për një çështje që përbën sekret hetimor, duke refuzuar të japë detaje të mëtejshme.

I pyetur nëse dëshmia e tij kishte lidhje me kryebashkiakun e Tiranës, Erion Veliaj, Gjebrea nuk dha një përgjigje konkrete, por konfirmoi se ishte person në dijeni për çështjen.

Ai tha se kjo ishte hera e parë që paraqitej në SPAK dhe e cilësoi si miqësore përvojën e marrjes në pyetje.

Prononcimi për mediat:

Gjebrea: Isha në cilësinë e dëshmitarit për një çështje që është sekret hetimor dhe nuk mund të flas më shumë.

Pyetje: Ka lidhje me zotin Veliaj?

Gjebrea: Nuk flas dot më shumë sepse duhet të respektojë dhe institucionin ashtu siç ju respektova edhe ju sepse mund të kisha iku…

Pyetje: Pra je person në dijeni?

Gjebrea: Po, person në dijeni

Pyetje: Ishte hera e parë që ju thirrën?

Gjebrea: Po e kam premierë

Pyejte: Si iu dukë?

Gjebrea: Po jo keq. Ishin miqësorë. Edhe unë i ftova në programin tim… më ftuan i ftova…