Edi Rama dhe ambasadorja e Bashkimit Europian, Sofia Moreira de Sousa po mbajnë një konferencë me mediat pas dorëzimit të Progres raportit për Shqipërinë.
Kreu i qeverisë është shprehur se progres raporti tregon hapat që duhet të hedhë në vijim Shqipëria në rrugën drejt integrimit në BE.
Ai u shpreh se në të evidenton problemet në sistemin gjyqësor, vonesat në gjykata dhe ndikim i papërshtatshëm në sistemin e drejtësisë.
Rama u ndal edhe te protestat ku tha se rruga e vetme është dialogu dhe çdo rast i kalimit të përgjegjësisë për dhunën nga policia drejt protestuesve duhet hetuar.
“E nderuar ambasadore e BE në Shqipëri, e dashur Sofia, mirë se erdhët sot me raportin më të mirë të progresit që Shqipëria ka marrë në dorë ndonjëherë. Ndaj tregon dhe këmbën tuaj të mbarë. Për një kohë të gjatë rrëfimi i rrugëtimit të Shqipërisë europiane është përcaktuar nga çfarë ne prisnim të ndodhte. Statusi i kandidatit, po jo kur. Hapja e negociatave, po, jo, kur?!Sot ky raport i publikuar dje nga Komisioni Europian, tregon mbi hapat që duhet ë hedhim për të kryer këtë rrugëtim.
Sot fati është i gjithi në duart tona. Duke kthyer jo shumë kokën, deri te 2016-ta kur mori jetë reforma në drejtësi, tregon qartë rrugëtimit. Vonesat në gjykata, procesi gjyqësor, vonesa për çështjet e korrupsionit dhe përpjekjet e papërshtatshme mbi institucionet e drejtësisë. Raporti ngre shqetësimin mbi mbikëqyrjen parlamentare, lirinë mediat. Ai trajton deh protestat e muajve të fundit duke e vendosur gishtin në plagët e dhunës, duke cituar dhe pretendimet për përdorim të tepruar të forcës nga policia.
Ndërkohë dialogu nënvizohet si rruga ku duhet të angazhohemi seriozisht. I sjell këto në vëmendje se asnjë konstatim i raportit nuk mund të anashkalohet.
E drejta për protestë duhet garantuar dhuna duhet ndëshkuar moralisht dhe ligjërisht. Çdo pretendim i tejkalimet të dhunës nga policia. Duhet hetuar. Dialogu është kusht për bashkëjetesë.
Ne si qeveri kemi përgjegjësi të qartë për ta mundësuar atë. Siç e shihni s’po flas vetëm për anën e ndritshme të këtij raporti që është më e ndiçme se asnjë herë tjetër. Por dhe për anën me hije të kësaj medalje. Jo vetëm që nuk shoh kundërshti mes faktit se Shqipëria ka bërë përparim të madh dhe faktit se përballet me probleme të vogla.”, tha ai.
