Nga Dumani, Hoxha e Alibej, SPAK lexon pretencën për të pandehurit e 'Plumbit të Artë', ja sa vite burg kërkon

Prokuroria e Posaçme (SPAK) ka lexuar pretencën për të pandehurit e dosjes së bujshme “Plumbi i Artë”, duke kërkuar dënime të rënda me burg, deri në 35 vite për disa prej tyre.

Sipas pretencës së SPAK, dënimet e kërkuara për të pandehurit janë:

– Nuredin Dumani – 10 vite burg
– Henrik Hoxha – 35 vite burg
– Skerdi Tase – 13 vite burg
– Erion Alibej – 15 vite burg
– Besian Xhixha – 25 vite burg
– Enver Diva – 25 vite burg
– Xhulian Hoxha – 20 vite burg
– Petrit Qoli – 35 vite burg
– Agron Qoli – 20 vite burg
– Asllan Plaku – 20 vite burg
– Altin Ndoci – 25 vite burg
– Fatos Gosa – 20 vite burg
– Adrian Uzuni – 15 vite burg
– Albert Pashaj – 15 vite burg
– Gentian Sharra – 9 vite burg

Tashmë pritet vijimi i procesit gjyqësor, ku gjykata do të shqyrtojë kërkesat e Prokurorisë së Posaçme dhe më pas do të japë vendimin përfundimtar për të pandehurit.

Kujtojmë se Nuredin Dumani, Skerdi Tase dhe Erion Alibej kanë statusin e të penduarit të drejtësisë.

Episodet:

1. ⁠1. Vrasja e Elvis Dedajt

* 5 qershor 2012
* Durrës
* Vrasje me paramendim.
* Ngjarja është përfshirë në listën e fakteve penale të dosjes. 

1. Vrasja e Fatmira Habili/Dedaj

* 14 shtator 2013
* Durrës
* U vra në garazhin e një pallati.
* Sipas akuzës, bëhej fjalë për vrasje me pagesë. 

1. Atentati ndaj Arben Islam Çetës

* 14 nëntor 2013
* Labinot-Fushë, Elbasan
* Vrasja mbeti në tentativë. 

1. Atentati i parë ndaj Aredin Beharit

* 5 nëntor 2017
* Fier
* Tentativë vrasjeje.

1. Atentati i dytë ndaj Aredin Beharit

* 3 prill 2019
* Fier
* Sërish tentativë për eliminimin e tij.
* Pra, Aredin Behari ishte objektiv në dy episode të ndryshme. 

1. Atentati ndaj Agim dhe Ilir Boriçit

* 11 prill 2018
* Fier
* Të dy u vunë në shënjestër, por vrasja mbeti në tentativë. 

1. Vrasja e Andi Zylyfit

* 13 dhjetor 2019
* Në aksin Peqin-Elbasan.
* Andi Zylyfi u vra dhe Ardit Uruçi u plagos. 

1. Shpërthimi me eksploziv ndaj pronës së Mustafa Subashit

* 29 janar 2020
* Durrës
* U përdor eksploziv për shkatërrimin e pronës. 

1. Vrasja e Dorian Shkozës dhe Anxhelo Avdias

* 2 mars 2020
* Durrës
* Dy viktima.
* Kjo është një nga ngjarjet kryesore të dosjes. 

1. Vrasja e vëllezërve Besmir dhe Viktor Haxhia

* 27 prill 2020
* Durrës
* Dy vëllezërit u ekzekutuan në Shën Vlash.
* Dinamika e ngjarjes u lidh me dëshmitë e Klevis Allës dhe më pas me rrëfimet e Nuredin Dumanit. 

1. Vrasja e Emiljano Ramazanit

* 20 korrik 2020
* Elbasan
* Vrasje me paramendim.
* Është një nga ngjarjet kryesore të lidhura me konfliktet kriminale në Elbasan. 

1. Vrasja e Regis Runajt

* 29 korrik 2020
* Elbasan
* Vrasje me paramendim.
* Është trajtuar si një tjetër episod i rëndësishëm i konfliktit kriminal në Elbasan. 

1. Vrasja e Bujar Çelës

* 17 shtator 2020
* Bradashesh, Elbasan.
* Është përfshirë në listën e vrasjeve të dosjes. 

1. Tritol ndaj banesës së Talo Çelës

* 5 nëntor 2020
* Elbasan.
* SPAK e ka trajtuar si shkatërrim prone me eksploziv dhe si pjesë të konfliktit mes grupeve kriminale. 

1. Atentati ndaj Lulzim Mashës

* 18 janar 2022
* Tiranë, zona e Liqenit Artificial.
* Vrasja mbeti në tentativë. 

1. Plani për vrasjen e Elton Kilës

* 29 mars 2022
* Elbasan.
* Sipas akuzës, u siguruan kushtet dhe mjetet për vrasjen e tij, por ekzekutimi nuk u realizua. 

1. Plani për vrasjen e Sokol Sanxhaktarit

* Korrik 2020
* Elbasan.
* SPAK e ka cilësuar si sigurim kushtesh dhe mjetesh për kryerjen e vrasjes. 

1. Plani për eliminimin e Indrit Dokles

* Prill–maj 2022
* Tiranë.
* Sipas dëshmisë së Dumanit, Ervis Martinaj kishte qenë i gatshëm të paguante 500 mijë euro për vrasjen e Dokles.
* Atentati nuk u realizua