Policia e Tiranës ka arrestuar 49-vjeçarin Eduart Dushku, i njohur ndryshe si “i forti i Saukut”.
Ai u kap në flagrancë në Rrugën e Elbasanit, teksa lëvizte me motor dhe transportonte një armë zjarri pistoletë, të pajisur me municion. Sipas policisë, dyshohet se arma do të trafikohej.
Uniformat blu bëjnë me dije se 49-vjeçari është person me precedent të theksuar kriminal për vepra penale kundër jetës dhe për armëmbajtje pa leje. Pas arrestimit, shërbimet e policisë ushtruan kontroll edhe në banesën e tij, ku gjetën dhe sekuestruan një jelek antiplumb.
“Specialistët e Seksionit për Hetimin e Trafiqeve, në bashkëpunim me shërbimet e Forcës së Posaçme “Shqiponja”, si rezultat i administrimit të shpejtë të informacioneve të siguruara gjatë punës operative, finalizuan operacionin e koduar “Eksponenti”, në kuadër të të cilit u arrestua në flagrancë shtetasi E. D., 49 vjeç, banues në Tiranë.
