Studentët kanë mbushur korridoret e Fakultetit Ekonomik, ku kanë hyrë duke bërë thirrje për bojkotimin e mësimit dhe bashkimin me protestën kundër kryeministrit Edi Rama.

Siç shihet edhe në pamjet nga SYRI, korridoret e fakultetit janë mbushur me studentë, të cilët marshojnë mes thirrjeve në kor: “Erdhën studentët” dhe “Bojkoto dhe protesto”.

Të rinjtë u bëjnë thirrje bashkëmoshatarëve të tyre të lënë mësimin dhe t'i bashkohen protestës, e cila vijon prej 23 ditësh me kërkesën për dorëheqjen e kryeministrit Edi Rama.

Studentët kanë refuzuar vazhdimisht ofertën e Ramës për dialog, duke këmbëngulur se largimi i tij nga detyra mbetet kërkesa e panegociueshme e protestës.