Xhudistja kosovare Arba Hasanaj ka përfunduar në vendin e pestë në kategorinë deri në 78 kilogramë, në Lojërat Olimpike për të Rinj “Dakar 2026”.
Hasanaj regjistroi tri fitore gjatë garës, duke arritur deri në luftën për medaljen e bronztë, ku u përball me xhudisten austriake Selina Woegere.
Megjithatë, sportistja kosovare nuk arriti ta fitojë këtë përballje, duke mbetur kështu jashtë podiumit olimpik dhe duke e përfunduar garën në pozitën e pestë.
Pavarësisht mungesës së medaljes, Arba Hasanaj pati një paraqitje të mirë në këtë ngjarje të rëndësishme ndërkombëtare për sportistët e rinj, duke dëshmuar potencialin e saj në arenën olimpike.
Garuesja jonë shënoI tri fitore kundër garueseve nga Porto Riko Figueroa, australianës Mc Henry dhe garueses nga Nikaragua, Espinosa.
Federata e Xhudos së Kosovës e ka përgëzuar Hasanajn për paraqitjen dhe tri fitoret e arritura në Dakar 2026. /Telegrafi/
