Analisti Sadri Ramabaja ka thënë se për vrasjet e fundit brenda familjes dhe rastet e dhunës në familje në Kosovë ka edhe përgjegjësi politike, por ka vlerësuar se fenomene të tilla ndodhin edhe në shtetet e tjera.
Duke komentuar rastet e fundit në Debat Plus, Ramabaja ka përmendur Zvicrën si shembull, duke thënë se edhe në këtë shtet të zhvilluar ndodhin vrasje të kësaj natyre.
“Përgjegjësi politike ka, por këto janë fenomene të natyrës që i ndodhin secilit vend. Brenda një shteti siç është Zvicra i ke gati çdo dy javë të kësaj natyre”, ka deklaruar Ramabaja.
Gjatë ditëve të fundi Kosova po përballet me shqetësime pas rasteve të fundit të vrasjeve dhe dhunës brenda familjes.