Bashkimi i Prodhuesve Shqiptarë kundërshton ndryshimet fiskale pa konsultim me biznesin
Pas publikimeve të paketës fiskale, që parashikon rritje të barrës fiskale për sipërmarrjes, shoqatat e biznesit po e kundërshtojnë ashpër atë.
Shoqata “Bashkimi i Prodhuesve Shqiptarë” ka shprehur shqetësimin për ndryshimet e pritshme në paketën fiskale për vitin 2027 dhe kundërshton fuqimisht çdo ndryshim që hartohet pa konsultim real dhe transparent me komunitetin e biznesit.
Sipas informacionit paraprak, parashikohen:
- Rritja e tatimit mbi fitimin nga 15% në 17% dhe mbi dividendin nga 8% në 15%.
- Rritja e TVSH-së së përgjithshme nga 20% në 21% dhe e normës së reduktuar për turizmin nga 6% në 10%.
- Ulja e pragut të regjistrimit të detyrueshëm në TVSH nga 10 në 5 milionë lekë qarkullim vjetor, nga 1 janari 2027.
Vlerësimet paraprake flasin për rreth 85 milionë euro barrë shtesë në vit nga tatimi mbi fitimin dhe dividendin, si dhe për përfshirjen e rreth 17 516 tatimpaguesve të rinj në skemën e TVSH-së.
Nëse konfirmohen, ndryshimet do të pakësonin fitimin pas tatimit dhe fondet për investime e modernizim të prodhimit. Rritja e TVSH-së mund të ushtrojë presion mbi çmimet ose marzhet e fitimit, duke rrezikuar kërkesën dhe konkurrueshmërinë, veçanërisht në turizëm.
Për bizneset e vogla që përfshihen në TVSH, shtohen detyrimet e deklarimit dhe administrimit, si dhe mund të rritet nevoja për likuiditet.
Pa masa efektive kundër informalitetit, barra shtesë mbi aktivitetin e deklaruar rrezikon të thellojë konkurrencën e pandershme.
Shoqata kërkon publikimin e propozimeve dhe analizave të ndikimit, konsultim të strukturuar me biznesin përpara miratimit dhe kohë të mjaftueshme për përshtatje.
Zëri i sipërmarrjes duhet të dëgjohet përpara çdo vendimmarrjeje me karakter ekonomik, thuhet në njoftim, thuhet në njoftim.
Më herët edhe “Shoqata pro Eksport” deklaroi se “Rritja e propozuar e tatimfitimit nga 15% në 17% dhe pothuajse dyfishimi i tatimit mbi dividendin, nga 8% në 15%, përbëjnë një barrë shtesë për sipërmarrjet.
LEXO GJITHE LAJMET PER PAKETEN E RE FISKALE
Ulet barra tatimore për pagat mbi 200 mijë lekë, pragu i tatimit 23% rritet në 300-700 mijë lekë
Taksa shtesë 85 mln euro për bizneset; tatimfitimi bëhet 17%, dividendi rritet në 15%, nga 8% sot
Paketa fiskale, TVSH 6% për ushqimet, 10% për turizmin, norma e përgjithshme rritet në 21%
TVSH te bizneset, pragu i detyrueshëm do të ulet në 5 mln lekë; Në skemë shtohen 17,5 mijë subjekte
Propozimi, pasqyrat financiare do dorëzohen vetëm në QKB, tatimet do i marrin automatikisht
Parapagimi i tatim fitimit konsiderohet detyrim tatimor, do zbatohen procedurat e mbledhjes me forcë
Paketa, propozohet rritje për akcizën e duhanit 4.5%, skedulimi i ri deri më 2033 e rrit 32%
Paketa Fiskale 2027, regjimi i TVSH-së për Bursën e Energjisë zgjatet deri në anëtarësimin në BE
Paketa Fiskale 2027, sponsorizimet, zbritjet tatimore do të llogariten mbi xhiron
Ky është artikull ekskluziv i Revistës Monitor, që gëzon të drejtën e autorësisë sipas Ligjit Nr. 35/2016, “Për të drejtat e autorit dhe të drejtat e lidhura me to”.
Artikulli mund të ripublikohet nga mediat e tjera vetëm duke cituar “Revista Monitor” shoqëruar me linkun e artikullit origjinal.
