“Nuk do hapet asnjë pikë e ndihmës së shpejtë”, denoncimi nga Parku Rinia: Dy policë bashkiakë,, I Ahmeti dhe A.Mema, të veshur civilë në shkelje të ligjit, të cilët u thanë protestuesve se kishin marrë urdhër të mos ndihmonin të lënduarit
Një denoncim i publikuar në rrjetet sociale ngre shqetësime për pengimin e ndihmës mjekësore për protestuesit e lënduar gjatë përplasjeve me policinë në Tiranë.
Sipas postimit të faqes “Protesta Sot”, në Parkun Rinia, dy persona të fotografuar në vendngjarje u kanë thënë protestuesve se kishin marrë urdhër që të mos hapej asnjë pikë e ndihmës së shpejtë.
“Jam te Parku Rinia dhe këta të dy që shihni në foto erdhën dhe na thanë që kanë marrë urdhër që NUK DO HAPET ASNJË PIKË E NDIHMËS SË SHPEJTË. ‘Shpërndajani njerëzve individualisht sepse do jetë shumë problem puna’. U kërkova të identifikohen, por asnjëri nuk e bëri”, thuhet në denoncimin e publikuar në rrjetet sociale.
Pika e ndihmës së shpejtë të ngritura nga protestuesit shërbenin për të asistuar personat e lënduar gjatë protestave, përfshirë ata që raportohet se janë dëmtuar nga gazi lotsjellës, spraji, plumbat e gomës dhe goditjet me shkopinj, grushte apo shqelma.
Dy personat janë punonjës të Policisë Bashkiake të veshur civilë. Ndërkaq është e ndaluar qe ata si civilë të bëjnë të tilla urdhërime.
Rasti ngre pikëpyetje serioze mbi respektimin e të drejtën e protestuesve për të marrë ndihmë mjekësore dhe mbi ligjshmërinë e çdo urdhri që mund të pengojë ngritjen e pikave të ndihmës së shpejtë gjatë tubimeve.
Në postimin shoqërues theksohet se edhe në situata konflikti, ndihma mjekësore mbrohet nga e drejta ndërkombëtare humanitare, duke iu referuar Konventave të Gjenevës të vitit 1949 dhe protokolleve përkatëse.
