Policia Bashkiake e Tiranës, me punonjës civilë, ka marrë në ruajtje godinën e Partisë Socialiste, duke shkelur haptazi misionin ligjor të Policisë Bashkiake.
Lajmi u bë i ditur nga burime të besueshme të droni.al.
Është paradoksale që, në një kohë kur nuk u morën masat e nevojshme për të parandaluar djegien e godinës së Bashkisë së Tiranës, objekt për të cilin siguria dhe ruajtja përbëjnë detyrim ligjor, drejtoresha urdhëron angazhimin e dy grupeve të gatshme për të kryer shërbim pranë godinës së Partisë Socialiste.
Kjo situatë ngre pikëpyetje të forta mbi përcaktimin e prioriteteve, përdorimin e burimeve njerëzore dhe respektimin e misionit institucional të Policisë Bashkiake.
Policia bashkiake numëron deri në 600 policë. Tri netë më parë kati i saj i parë u përfshi nga flakët pasi protestuesit kaluan afër saj duke mos hasur në ruajtje të ndërtesës. r.k
