Lamine Yamal vazhdon të mahnitë botën e futbollit me talentin e tij, ndërsa besimi te Barcelona dhe objektivat për këtë sezon janë më të mëdha se kurrë. Ylli i katalanasve dhuroi një tjetër paraqitje spektakolare, duke tërhequr vëmendjen me një asist të jashtëzakonshëm, që dëshmoi edhe një herë cilësitë e tij teknike.
Aksioni që çoi te asistimi i dytë ishte një spektakël më vete. Yamal nisi me një lëvizje të ngjashme me rabonën, më pas kaloi kundërshtarin me një kombinim të shpejtë të këmbëve dhe në fund shërbeu me pjesën e jashtme të këmbës së majtë. Një aksion që konfirmon se për spanjollin, e pamundura shpesh bëhet realitet.
Pas ndeshjes, në një intervistë për CBS Sports, 19-vjeçari foli për objektivat e Barcelonës, duke mos e fshehur ambicien për të fituar gjithçka.
“Për mua, Barcelona është skuadra më e fortë në botë, ndaj mendoj se fitimi i tripletës është absolutisht i mundur”, deklaroi Yamal.
Por spektakli nuk përfundoi në fushë. Ylli i katalanasve reagoi edhe në rrjetet sociale ndaj Mario Leminas, i cili para ndeshjes kishte pyetur me ironi kamerat se kush ishte Yamal.
Përgjigjja e spanjollit në Instagram ishte thumbuese: “Po tani, a më njeh?”