Sali Berisha ka publikuar një denoncim nga qytetari dixhital, këtë herë me akuza për mënyrën sesi është përdorur struktura operative e Shërbimit Informativ Shtetëror. Në mesazhin drejtuar Berishës, denoncuesi ngre pretendime për përgjime dhe ndjekje të personave, duke vendosur në qendër të akuzave drejtorin e Operacionales në SHISH, Jurgen Kole, si dhe Iglis Sadikajn. Sipas denoncuesit, Kole ka qenë një prej personave kryesorë që zbatonte kërkesat që pretendohet se vinin nga Ergys Agasi dhe ish-drejtoresha e SHISH, Vlora Hyseni.
Postimi i plotë
Përgjimet e SHISH në shërbim të bandave. Gysi vinte në përgjim çdo person që dëshironte. Drejtori i operacionalës Jurgen Kole dhe Iglis Sadikaj kryesorë në këtë veprimtari të paligjshme.
Lexoni denoncimin e qytetarit dixhital.
Si je, doktor? Po të vë në dijeni për një nga personazhet kryesorë që ka institucioni i SHISH. Ai është drejtori i operacionalës në SHISH, Jurgen Kole, që e keni denoncuar si pronar të lokalit në Bërzhitë, ku takoheshin shpesh Gysi me Vlorën. Personi kyç që bënte çdo qokë të Vlorës Hysenit, që nga porositë e Gysit të saj për përgjimet dhe deri tek përndjekjet e personave që Gysi i kërkonte Vlorës, ministrave, zyrtarëve të tjerë, deputetëve të opozitës etj., me apo pa dokumentacionin përkatës apo pa protokoll e dokumentim zyrtar!
Ai është leva kyçe e saj, i cili akoma vazhdon të ushtrojë detyrën! Për të kryer punët e Gysit dhe Vlorës, Jurgen Kole përdor shefin e njërës prej bazave në terren, që quhet Iglis Sadikaj. Të gjithë thonë që ajo bazë janë njerëzit e drejtorit dhe përdoren për punët e tij e të Vlorës, pra kuptohet për punët e shefit që është Gysi.
Situata është e njëjtë, doktor, pasi ai vazhdon akoma me urdhra, duke vazhduar vijimësinë e Vlorës Hysenit dhe Gysit të Troplinëve!