Ditët e votimit për 450 vendet e Dumës Shtetërore në Rusi janë mbyllur nën dritën e zjarreve dhe sirenave të alarmit. Ushtria ukrainase ka ndërmarrë një sulm masiv me rreth 1,600 dronë, 450 prej të cilëve synuan direkt kryeqytetin rus dhe rrethinat e tij. Nga goditjet humbën jetën një grua 44-vjeçare dhe një i moshuar, ndërsa u evakuuan mbi 400 persona pas dëmtimit të një ndërtese 21-katëshe. Presidenti i Ukrainës, Volodymyr Zelensky, përshëndeti operacionin në platformën X, duke nënvizuar se sulmet arritën të godasin një nga objektet kryesore të industrisë së naftës dhe logjistikës ruse, duke i shkaktuar makinës së luftës së Kremlinit dëme prej miliarda dollarësh [shuj]. Në kundërpërgjigje, Ministria ruse e Mbrojtjes akuzoi Kievin për përpjekje të qëllimshme për të "prishur vullnetin demokratik të qytetarëve që votuan" dhe premtoi sulme të pamëshirshme e me saktësi të lartë ndaj objektivave ushtarake në Kiev. Këto ishin zgjedhjet e para parlamentare në Rusi që nga nisja e ofensivës ushtarake në Ukrainë në vitin 2022. Sondazhi zyrtar i publikuar nga agjencia shtetërore VCIOM tregon se partia në pushtet, "Rusia e Bashkuar", po udhëheq sigurt me 49.4% të votave Partitë e tjera që arritën të kalojnë pragun janë Komunistët me 14.2% dhe nacionalistët e LDPR me 10.7%. Opozita e vërtetë e Rusisë u shtyp. Partia liberale kundër luftës "Yabloko" u ndalua të kandidonte nga Gjykata Suprem. Ndërkohë, e veja e liderit të ndjerë Alexei Navalny, Yulia Navalnaya, u bëri thirrje qytetarëve që të protestonin gjë që nxiti grumbullime të mbështetësve edhe jashtë ambasadave ruse në Berlin e Londër.