Deputetja e PS-së, Sara Mila ka zhvilluar këtë të premte dëgjesa me banorët në Bradashesh, në kuadër të nismës #PRANINËBESNIKE, ku një prej problematikave të ngritura lidhej me gjendjen e rrugës në Katund të Ri.
Pas shqetësimit të paraqitur nga banorët, Mila është ndalur në terren për të parë nga afër situatën. Sipas saj, verifikimi fizik i problematikave ndihmon në kuptimin më të qartë të tyre dhe lehtëson ndjekjen e mëtejshme pranë institucioneve përgjegjëse.
“Duke shkuar fizikisht aty, problematika bëhet më e qartë, analiza më e qartë dhe ndjekja në institucione më e lehtë, pasi arrijmë të identifikojmë problemin në thelb”, u shpreh deputetja. Mila theksoi rëndësinë e komunikimit të drejtpërdrejtë me qytetarët dhe angazhimin për t’u rikthyer tek ta me përgjigje konkrete.
“Pranë njerëzve, me shumë besim, me shumë mirënjohje dhe me gjithë dëshirën për të shkuar me përgjigje konkrete tek ta, çdo herë”, tha ajo. Dëgjesat në terren synojnë evidentimin e problematikave të komunitetit dhe përcjelljen e tyre pranë institucioneve përkatëse për zgjidhje.
Postimi i plotë
Gjatë dëgjesave me #PRANINËBESNIKE ditën e sotme në Bradashesh, ishte e nevojshme që të adresonim në terren një problematikë të banorëve në Katund të Ri në lidhje me rrugën. Duke shkuar fizikisht aty, problematika bëhet më e qartë, analiza më e qartë dhe ndjekja në institucione më e lehtë pasi arrijmë të identifikojmë problemin në thelb. Pranë njerëzve, me shumë besim, me shumë mirënjohje dhe me gjithë dëshirën për të shkuar me pergjigje konkrete tek ta, çdo herë.