Një aksident është regjistruar pasditen e sotme në liqenin e Komanit, në zonën e Vaut të Dejës.
Ngjarja ka ndodhur rreth orës 15:15, ku dyshohet se dy mjete lundruese janë përplasur aksidentalisht me njëri-tjetrin.
Si pasojë e përplasjes, janë dëmtuar 5 persona, të cilët ndodhen jashtë rrezikut për jetën. Personat e tjerë që ndodheshin në mjetet lundruese nuk kanë pësuar dëmtime.
Të gjithë personat që ndodheshin në dy mjetet janë nxjerrë në kalatën e Komanit me ndihmën e mjeteve të tjera lundruese.
Grupi hetimor po vijon punën për të zbardhur dhe dokumentuar plotësisht rrethanat e aksidentit.m.k
