Një zjarr i përmasave të mëdha ka përfshirë mëngjesin e kësaj të diele restorantin e resortit “Mesopotam Agroturizëm”, në aksin nacional Sarandë–Syri i Kaltër.
Flakët kanë rënë rreth orës 05:30 dhe janë përhapur me shpejtësi në të gjithë strukturën, duke e përfshirë plotësisht nga zjarri dhe duke shkaktuar dëme të konsiderueshme materiale.
Shërbimet zjarrfikëse të Finiqit kanë mbërritur menjëherë në vendngjarje dhe kanë ndërhyrë për izolimin e flakëve. Ndërhyrja ka bërë të mundur parandalimin e përhapjes së zjarrit drejt kabinave prej druri që ndodhen pranë restorantit dhe janë pjesë e resortit.
Nga informacionet paraprake, dyshohet se zjarri mund të jetë shkaktuar nga një shkëndijë ose defekt në rrjetin elektrik. Megjithatë, shkaku i saktë mbetet për t’u përcaktuar nga hetimet.
Grupi hetimor po punon për dokumentimin e plotë të ngjarjes dhe përcaktimin e rrethanave që çuan në shpërthimin e zjarrit.a.b
