Një aksident tragjik ka ndodhur mbrëmjen e sotme në aksin e vjetër rrugor Blinisht–Fishtë, në fshatin Fishtë të Lezhës, ku një i mitur ka humbur jetën pasi u përplas nga një automjet.
Ngjarja është regjistruar rreth orës 20:10. Sipas policisë, automjeti me drejtues shtetasin E. K., rreth 33 vjeç, ka aksidentuar të miturin, rreth 13 vjeç, i cili po lëvizte me monopatinë.
Përplasja ka qenë e rëndë dhe, pavarësisht transportimit për në spital, i mituri ka ndërruar jetë.
Pas aksidentit, drejtuesi i automjetit është shoqëruar në Komisariat, ku po kryhen veprimet e mëtejshme procedurale.
Në vendngjarje ndodhet grupi hetimor, i cili po punon për dokumentimin e plotë të aksidentit dhe përcaktimin e rrethanave dhe dinamikës së përplasjes.a.b
